LAOAG CITY – Natiliw ti maysa a lalaki iti drug buy-bust operation nga inyuswat dagiti kameng ti PNP-Batac idiay Brgy. 15, Baligat iti nasao a ciudad.
Nabigbig ti akusado a ni Allan Macalop, agtawen iti 40, naasawaan, maysa nga Electrical Technician ken residente ti Brgy. Cangrunaan iti nasao a ciudad.
Segun ken ni Police Inspector Fredwyn Serño, imbestigador iti PNP Batac, naglako ni Macalop ti 1 a sachet a naglaon ti maipagarop a shabu nga agbalor iti 500 a pisos iti maysa a pulis a nagpammarang a poseur buyer.
Inlawlawag ni Serño a nabayag dan a makaaw-awat ti impormasyon seknan ti panaglaklako ti suspek iti illegal a droga iti ciudad ti Batac ken dagiti kaparanget na nga ili.
Inbatad na nga iti panag-validate da ket nakumpirmaran da ti panaglaklako ni Macalop iti illegal a droga.
Inpakaammo ni Serño a pilaan da ni Macalop ti kaso a panaglabsing iti Republic Act (RA) 9165.
Inpasingked ti subject ti drug buy-bust operation a ni Allan Macalop nga awan ti ammo na iti naala a droga iti ikot na.
Inlawlawag na a kas maysa nga electrical technician ket trabaho na pay ti ag-home service no adda tumawag kenkuana.
Segun kenkuana, adda ti nangtawag kenkuana tapno mapan aghome-service iti paset ti Barangay Baligat iti ciudad ti Batac.
Iti panagturong na ti lugar ket inpakaammo na ti maseknan a kadwa na ti maysa nga OJT ngem saan nga immanugot ti agpa-home service isut gapuna nga indissaag na ti kadwa na iti highway.
Innayon na nga inpakaammo kenkuana ti maseknan nga adda ti mapan mangsukon kenkuana a nakamotorsiklo isut gapuna a kampante a limmugan.
Nupay kasta, nakigtot laengen ni Macalop idi insardeng ti nagluganan na kalpasan na ket addan dagiti napan nangposas kenkuana.
Inpetteng na a saanna pulos a pinadas ti naglako iti illegal a droga gapu ta napintas ti trabaho na..VC.. cue out.. aglako dayta sir
Kuna na pay a saanna a mabalin a kwestyunaran ti linteg isut gapuna nga inpaima nan ti Diyos ti napasamak kenkuana.
