LAOAG CITY – Maisagsaganan ti maipila a reklamo kontra ti maysa a lalaki kalpasan a nagprobokar iti Bry. Arua-ay iti ili ti Piddig idi Biernes.
Nabigbig ti lalaki a ni Oliver Agustin y Garcia, agtawen ti 40, naasawaan, construction worker, ken residente iti Brgy. 6 Tonoton iti nasao nga ili.
Basar iti PNP Piddig, agarup alas tres idi Biernes, ti suspek ket limmabas a nakalugan ti motorsiklo iti checkpoint iti Brgy. Arua-ay ket dita a namagsasao ti dakes kontra kadagiti opisyal ti barangay a nakaduty para ti Enhanced Community Quarantine.
Iti ilalabas ti suspek, kinugtaran na ti maysa a barikada ti checkpoint ken nag-dirty finger kontra kadagiti pannakabagi ti linteg.
Gapu iti daytoy, natiliw ti suspek ken naglabsing iti Article 151 iti Revised Penal Code ken RA 11332 wenno Resistance and Disobedience to a Person in Authority.
Nagtalinaed ni Agustin iti kustudyar ti PNP Piddig kalpasan ti pannakatiliw na.
