LAOAG CITY – Natiliw ni Jose “Bert” Gorospe Jr y Aslarona iti pagtaengan da iti Brgy. Libnauan iti ili ti Piddig babaen ti inyuswat dagiti otoridad a search operation.
Iti naipresentar a dukomento, nailanad a nasalungasing ni Gorospe ti RA 1059 gapu iti maipagrup nga adda ilemlemmeng na a kalibre 45 a paltog ken nagduduma a klase ti bala ti paltog.
Kas resulta ti operasyon, nabirokan dagiti otoridad dagiti innem a bala para iti kalibre 45 a paltog, walo a kapsula ti nasao pay laeng a kalibre ti paltog, maysa a holster ken maysa nga eskopeta.
Gapu iti daytoy, mapilaan ti kaso a panagsalungasing ti RA1059 ti nasao a suspek.
