LAOAG CITY– Isagsaganan ti PNP-Solsona ti maipila a reklamo panagsalungasing RA 9165 kontra ken ni Roy Piedad Jr. iti Bgy. Juan ti naso nga ili.
Segun ken ni P/Insp. Raplh Dayag Hepe ti Pulisya ti nasao nga ili, daytoy ket kalpasan a nagpositibo ti naisayangkat a buy bust operasyon kontra iti nasao a suspek.
Kuna na a naala iti ikot ti suspek ti maysa a bassit a plasctic sachet a nagalaon iti maataap a shabu nga agbalor ti 500 a pisos, nuy bust money, cellphone ken ti nagluganan na a motorsiklo.
Inlawlawag ni Dayag a ni Piedad ket drug surenderee iti ili a Marcos ngem nagbaliw ti lokasyon ti operasyon.
Nupay kasta, naglikudan ni Piedad ti alegasyon kontra kenkuana.
Kuna na a napilitan a nagnaed iti ili a Solsona gapu ta awan agbantay ti balay ti baket na ket awan ammo na iti naala kenkuana iti ibagbaga dagiti puylis ti Solsona a naala kenkuana a maipagarup a maipawil a droga.
