LAOAG CITY – Natay ti maysa a lalaki iti Sitio Inanama iti Brgy. Nagbacalan iti ili ti Paoay kalpasan ti maipagarop a a panankaitapwak na iti bobon.
Segun ken ni Benson Cachero, kabsat ti biktima a a ni Benrose Cachero, iyaban da kuma a mangan ti kabsatda pasado ala-una itay aldaw ngem saanda a nabirokan.
Nu pay kasta, kuna na nga iti panagsapsapol na ket natamdagan na ti bobon nu sadino a nakita na nga adda ti kabsat na iti uneg.
Inbatad na nga iti pannakakita na kenni Benrose ket agas-asog pay laeng ken agpaarayat.
Nu pay kasta, saanen a kinaya ti bagi ti kabsat na gapu iti nabayag a pannakaresponde na isut gapu na a pimmusay daytoy.
Mainaig iti daytoy, kuna ni Cachero nga ayuyang ti kabsat na iti asideg ti bobon ken posible a simro ti epilepsy na isut gapu na a naitapwak daytoy.
Kabayatanna, inpakaamo ni PLt. Marlon Martinez, ti chief of police iti ili ti PNP Paoay a maipaagrop nga adda ti saan a nagkikinnaawatn tipamilya ti biktima sakbay a napasamak ti insidente.
Nu pay kasta, inbatad na a saanen a kayat ti pamilya ti biktima a maidalan iti otopsiya ti bangkay na agsipod ta patien da nga awan ti foul play a napasamak.
