LAOAG CITY – Gasgas iti nagduduma a paset ti bagi ti sinagaba ti maysa a lalaki kalpasan a timmapwak iti bubon iti paset ti Brgy. 29 ditoy siudad ti Laoag.
Daytoy ti inpakaammo ni PMaj. Christian Felix, ti deputy chief of police iti PNP-Laoag.
Segun ken ni Felix, adda ti problema iti panagpanpanunot ti biktima rason a naigagara ti panagtapwak na iti bubon.
Kuna na a nagasat ti biktima gapu ta malaksid a saan a nauneg ti bubon ket awan ti danom daytoy.
Inpakaammo ni Felix a saan metten a naipan iti ospital ti biktima gapu iti panagkedked na nga agpataming.
