LAOAG CITY – Natay ti maysa a lalaki iti Brgy. Brgy. 18 Abkir, Vintar, Ilocos Norte.
Daytoy ti inpakaammo ni PCapt. Roi Manuel Ordonio, Hepe ti Philippine National Police iti ili ti Vintar.
Segun kenkuana, pimmusay ti biktima kalpasan a nagbekkel daytoy iti mismo uneg ti pagtaenganda no sadino a kinumpirmaran daytoy ni Dra. Heidi Marita Albano, ti attending physician.
Inbatadna a basar iti insayangkatda nga imbestigasion, kuna ni Ms. Corazon Agramon, agtawen ti 58, awanan asawa, residente iti nasao a Barangay ken kabsat ti biktima a nakitada lattan a nakabitin ti biktima usar ti nylon wyre iti amianan a paset iti tawa ti pagtaengan daytoy.
Inlawlawagna a ti biktima ket makapaspasar ti sakit a liver cirrhosis rason a makita ti buksit ti biktima nga arig ket bumbumsog wenno dumakdakkel gapu iti sagsagabaen daytoy a sakit.
Kunana nga iti agdama ket mangisaysayangkatda ti naun-uneg pay nga imbestigasion no ania ti makaigapu iti napasamak nga insidente.
Kabayatanna, manamnama a kasarita dagiti otoridad ti pamilia ti biktima tapno makaala ti naan-anay pay nga impormasion pakaseknan iti daytoy a banag.
