LAOAG CITY – Nagtalinaed iti kustudiyar ti PNP-San Nicolas ti saan pay a nabigbig a lalaki a nakita iti Barangay 22 iti nasao nga ili.
Segun iti lalaki, tubo daytoy idiay Samar, Leyte ket inpagarop na nga adda iti bukod na a lugar.
Ti nasao a lalaki ket nakabado ti agmaris ti yellow, naka-pajama ken nakatsinelas ti pambabai.
Inbatad ni Police Major Paul Benedict Parado, ti chief of police ti PNP-San Nicolas nga awan iti husto a panagpanpanunut ti nasao a lalaki gapo ta saan nga agsusurot ti ibagbaga na kadakuada.
Maipalagip nga inkabil dagiti residente iti nasao a barangay ti lalaki gapo ta agwarang-warang iti lugar ken saan da nga ammo ti papanan na.
Kabayatanna, plano ti hepe nga itulod da ti lalaki ti DSWD.
