LAOAG CITY – Natay ti maysa a baro kalpasan a nagbekkel iti Brgy. Cabusligan iti ili ti Bacarra.
Nabigbig ti biktima a ni Jeric Gabuyan, agtawen ti 24, stay-in iti pagub-ubraan na a furniture shop ken tubo iti San Carlos City, Pangasinan.
Segun kenni Cesario Gabuyan, ama ti biktima, parbangon idi nakita dagiti karruba na ti anak na a nakabitin iti nangato a riprap itay parbangon.
Kuna na a nagiinom da idi rabii kadua na dagiti papagayam ti anak na.
Nagawid ti anak na idi rabi kalpasan a nagiinom da ken saan a napuotan ni Gabuyan a rimwar ti anak na a ditoy a kinettel na ti biag na babaen ti panagbekkel na.
Awan met ti naibagbaga ti biktima iti ama na seknan dagiti problema a paspasaren na gapu ta makitkita ti ama na a naragsak daytoy.
Inbatad ni Gabuyan nga adda ti nobya ti anak na ngem saan na nga ammo no adda ti saan da a panagikinnaawatan.
Basar ito barkada ti baro a Gabuyan ket awan dagiti naibaga na a problema na.
Inusar ti biktima ti tali a maus-usar para iti manok ken inbitin na ti bagbagi na iti tubo nga adda iti nangato a rip-rap.
