LAOAG CITY – Inarestar ti CIDG Ilocos Norte babaen ti koordinasyon da iti PNP-Pagupud ti agnagan iti Rod Stevenson Tabalbag, agtawen ti 31, awanan asawa, awanan trabaho ken residente ti Bgy. 32-C La Paz, Laoag City.
Daytoy ket babaen ti bileg ti warrant of arrest kadagiti agsusukot a kaso na.
Immuna ti WOA a pinaruk-atan ni Hon. Judge Nida Alejandro iti RTC Branch 12 gapu iti kaso nga estafa ken nairekumendar ti 40 a ribo a pisos a piyansa na para iti temporaryo a panakawayawaya na.
Ti illegal recruitment a nairekumendar ti 24 a ribo a pisos a piyansa na para iti tempopraryo a panakawayat waya na ken ti WOA nga inparuk-at ni Hon. Jose B Vallo, presiding judge ti RTC Branch 68, Camiling, Tarlac gapu iti kaso nga sstafa (2 counts) ken sabali pay nga illegal recruitment a nakairekumendaran ti 24 a ribo apisos ti tunggal maysa a piyansa para iti temporaryo a pannakawayawaya na.
Naarestar ti akusado bayat ti kaadda na idiay Brgy. Pancian, Pagudpud, Ilocos Norte.
Maibilang ti akusado a no. 2 most wanted person ditoy ciudad ti laoag.
