BOMBO LAOAG – Nagballigi dagiti otoridad iti inyuswat da a drug buy-bust operation iti Barangay San Roque, Paoay, Ilocos Norte.
Ti suspek a ni Stevenson Custodio, agtawen iti 36, naasawaan ket maibilang nga High Value Target ti PDEA.
Dagus a kinemmeg dagiti otoridad ti suspek kalpasan a naglako iti maysa a pulis a nagpammarang a poseur-buyer ti maysa a sachet a naglaon ti maipagarop a shabu nga agbalor iti 500 a pisos.
Mainaig ti daytoy, kinumpirmaran ni Police Senior Inspector Grandeur Tangonan, ti chief of police iti ili a Paoay a naibalud idin ni Custodio iti 2 a tawen gapu iti illegal a droga.
