LAOAG CITY – Sumangsango ti kaso a domestic violence and terroristic threatening idiay Hawaii ti maysa a lalaki gapo iti gandat a panangdangran na iti nobya na.
Daytoy ti inbatad ni Bombo International Correspondent Manny Pascua idiay Hawaii.
Segun kenni Pascua, namunganay daytoy kalpasan a naaddaan ti riri ti agtawen ti 38 a lalaki ken ti nobya na a tubo met laeng idiay ili ti Bacarra.
Inbatad ni Pascua a ti saan a maaklon ken ti pannakakigot ti babai ket inarmasan na ti kutsilyo isut gapo na a timmawag iti 911 a rason ti pannakatiliw ti lalaki.
Immuna iti daytoy, nagpatpatnag a saan a naturog dagiti agnobyo gapo ti panagriri da iti saanen a nadeterminara a rason.
Manamnama met nga iti masungad a lawas ket dumatag iti korte ti nasao a lalaki.
Kunana a basar ti paglintegan idiay Hawaii, no ummuna nga agaramid iti kastoy ket mabalod ti 48 nga oras ken iti maikadwa a daras ket mabalod ti 30 nga aldaw ken agbasa seknan ti pannakalawlawag ti panunut ti maseknan.
Naamoan a ti panagdangran ti asawa wenno nobya ket dakkel a basol idiay Estado Unidos.
