LAOAG CITY – Natiliw ti mayas a lalaki a tubo idiay Mabini Tubajon, Dinagat Island, Mindanao ngem agdama nga agin-indeg iti ili ti Adams kalpasan ti naimballigian a drug bust operation kontra iti daytoy.
Nabigbig ti natiliw a ni Tanny Bacol y Cadagas, agtawen ti 40, baro ken construction worker.
Naamuan nga idi rabii agarup 10:30 a naiyusuat ti nasao nga operasyon babaen iti panagpammarrang ti maysa a pulis a gumatang ti maipawil a droga.
Naala ti ikot na ti maysa a plastic sachet naglaon iti pura a crystalline substance a mapapati a “shabu” nga agbalor iti five hundred pesos (500.00.pesos).
Bayat ti body search nga inyusuat ti police poseur buyer iti suspek, nakaala pay ti maysa a pedaso ti plastic sachet a naglaon iti puraw a crystalline substance a naglaon iti mapapati a “shabu” nga addaan iti street value a five hundred pesos.
Rumrumuar a ti suspek ket nabayagen a sipsiputan ti pulisya gapu iti report manipud confidential informant a rampant ti panaglako na iti maipawil a droga.
Iti agdama, addan ti kustodyar ti PNP Adams ti nasao a suspek ken maisagsaganan ti maipila a kaso kontra iti daytoy.
