LAOAG CITY – Napaluspusanen dagiti dua a natiliwan nga agsusugal iti maysa a minatayan iti paset ti Brgy. 14, San Gregorio idiay ili ti San Nicolas.
Nabigbig dagitoy a da Christopher Agcaoili, agtawen ti 33 ken ni Gerald Casabay, agtawen ti 30, agpada a construction worker ken residente iti nasao a lugar.
Daytoy ket kalpasan a nagpyansa da ti 10 a ribo a pisos ti tunggal maysa para ti temporaryo a pannakawaya-waya da.
Maipalagip nga idi Marso 17 ket natiliw kabayatan ti panagsusugal da iti minatayan iti nasao a barangay.
