LAOAG CITY – Inlawlawag ni Engr. Peter Matthew Toribio Fowler, Chemical Engineer dagiti ramen ti lana ti niyog gapu ta adda ti potensyal na a kontraen ti coronavirus disease.
Daytoy ket mainaig ti manarimaan a pannakaadal ti lana ti niyog.
Inbatad na nga adda ti 50 a porsiento a Luric Acid iti lana ti niyog.
Segun kenni Fowler, ti Luric acid ket addaan ti tallo a mekanismo tapno kontraen na ti impeksiyon.
Kuna na a basar iti panagadal ti lana ti niyog ket maibilang nga anti-viral, agserbi a food supplement ken mabalin pay nga usaren kas food suplement kadagiti taraken nga ayop.
Katulungan dagiti umiso nga agas ti lana ti niyog a kontraen dagiti viral infections.
Kinumpiran ni Fowler ti suhestiyon ni Dr. Fabian Dayrit iti Ateneo de Manila University a kabaelan ti lana ti niyog a makaagas iti HIV ken Junin Virus a kapada ti COVID-19.
Ngem sabali iti pannakaadal na babaen ti clinical study gapu ta dagiti naiwayat a test iti kallabes ket naiwayat kadagiti ayop.
Nupay kasta, insuhestiyon ni Dr. Dayrit a panaginom ti lana ti niyog iti 3 tablespoon wenno 45ml.
Inpalagip ni Fowler a nga adda pay ti ramen ti lana ti niyog iti fats, ken nasken a mamonitor wenno makontrol iti panagkaan kadagiti nalalanit a taraon.
