LAOAG CITY – Inbatad ni Mr. Hendrick Pendronan, Municipal Disaster Risk Reduction Management Officer iti ili ti Pagudpud nga agdama a natalged ken nasayaat ti kasasaad dagiti nagduduma a sektor ken area nangruna iti landslide prone area iti Brgy. Pancian iti nadakamat nga ili gapu pay laeng iti Bagyo Carina.
Segun kenkuana, mabalin pay laeng a dumalyasat dagiti amin a kita ti lugan iti Pancian road.
Mainaig iti daytoy, napanda nagmonitor kadagiti lebel ti danom kadagiti kabaybayan ken karayan iti nadakamat nga ili.
Inpakaammona nga awan met dagiti residente a naibakwit iti lugarda ngem naiget a monmonitorenda ti landslide iti Brgy. Pancian no sadinno naki-inumanda kadagiti personnel iti Department of Public Works and Highways a nakasagana agresponde iti nadakamat a lugar.
Innayonna a ti Bgry. Pancian ken Pasaleng ket ibilbilang ti opsinada a high risk areas no panawen ti panagtutudo nangruna no adda bagyo ken dagiti malayus a lugar kas iti Brgy. Saud ken dadduma pay low-land-area.
Kabayatanna, kinunana ni Pedronan a nakasagana dagiti equipments a pang-rescue operations no bilang man a ngumato ti lebel kadagiti high risk areas.
