LAOAG CITY – Umabot ti tallo a landslide ti napasamak iti paset ti Barangay 22 iti ili ti Sarrat.
Segun kenni Barangay Tanod Rowell Blancaflor, a taga Barangay 20 iti nasao nga ili ken maysa kadgaiti nagresponde, itay parbangon a napasamak ti panagreggaay ti daga.
Naamoan a napasamak ti maysa a landslide iti agsang-at a paset ti barangay partikular iti agturong iti kamposanto.
Malaksid iti daytoy, nadadael pay ti riprap iti nasao a kalsada ngem nupay kasta ket makadallayasat latta dagiti nagduduma a behikulo.
Kabayatanna, napasamak pay ti lanslide iti paset ti Barangay 20 ti nasao met laeng nga ili ken addan dagiti apektado a residente gapo iti bagyo Ineng.
