LAOAG CITY – Kinumpirmaran ni Asst. District Engr. Richard Ragaza iti Departmen of Public Works and Highways (DPWH) ditoy probinsya nga idi pay laeng rabii a nagreggaay ti turod iti nagbedngan Barangay 55, Barit ditoy ciudad ti Laoag ken iti ili a Bacarra.
Gapu ti napasamak ket agarop 3 a metro ti nagaburan ti daga iti national road ti nasao a lugar.
Inlawlawag ni Ragaza nga idi naamoan da ti napasamak ket insigida a napan nangikabil ti signages dagiti kakadwa da.
Nupay kasta, kuna na a saan da a nawaknitan a dagus gapu ta manarimaan pay laeng idi ti panagreggaay ti daga ken nakapigpigsa ti tudo.
