LAOAG CITY – Patien ni Dr. Renato Mateo, mangidadaulo ti City Health Office ditoy ciudad ti Laoag nga adda dagiti balod nga agsagsagaba ti skin disease.
Daytoy ket kalpasan a naglikudan ti Bureau of Jail Management and Penology ditoy ciudad nga awan ti agraraira a skin disease iti nasao a pagbalodan.
Mamati ni Mateo a gapu iti kinaadu ti tao nga agdudupudup iti nasao a pagbaludan ket adda latta dagiti balod nga agsagsagaba ti sakit ti kudil.
Daytoy ket kabayatan iti panagbisita dagiti health officials iti BJMP iti mamidwa wenno mamintallo iti maysa a bulan.
Innayon na a saan laeng nga iti BJMP-Laoag iti pakapaspasamakan ti nasao a sitwasyon nu diketdi karaman pay iti Ilocos Norte Provincial Jail.
