LAOAG CITY – Saan a nakatubeng ti epekto ti bagyo Leon iti sumagmamano a lugar ditoy probinsya iti pannakaisayangat ti Trick or Treat a nakaugalianen a maisaysayangkat tunggal madanun ti Undas.
Karaman a nangituloy latta ti Trick or Treat ket iti Barangay 11 iti ili ti San Nicolas.
Kas paset iti nasao nga aktibidad ket adda dagiti ubbing a nagarwat ti nakabutbuteng a costume idinto a dagiti dadduma ket makaay-ayo a costume.
Nagisagana met dagiti residente ti ado a candy nga isu ti inbunong da kadagiti ubbing a nakipaset ti Trick or Treat.
Naamoan a dagiti napili ti costume na ket naikkan met ti premyo no sadinno a ti 1st prize ket P500; 2nd prize (P300) ken ti 3rd prize ket P200.
Malaksid iti Barangy 11 iti ili ti San Nicolas ket saan met a nagpaudi ditoy ciudad ti Laoag a nangiyuswat ti Trick or Treat para ita nga Undas 2024.
