LAOAG CITY – Sinelebraran ti lokal a gobierno ti ciudad ti Laoag ti maika-76 a Founding Anniversary ken 50th anniversary ti nagbaetan ti ciudad ken ti Peoples Republic of China.
Ti nasao nga aktibidad ket naiwayat iti Fort Ilocandia ditoy ciudad.
Segun kenni Mayor James Bryan Alcid, kageddan iti panangbigbig iti panagbinnulig ti ciudad ken ti Peoples Republic of China ket ti panangipasigurado na iti panangrespetar ti kooperasyon ken natalged a panagprogreso.
Patien ti Mayor a babaen iti panagtinnulong dagitoy ket maaddaan ti napintas a masakbayan ti ciudad ken ti Peoples Republic of China gapo iti napagtipon a pakasaritaan dagitoy a lugar, kalikagum dagiti tattao ken iti panagballigi ti tunggal maysa.
Namnamaen ti Mayor nga agtultuloy ti panagbinulig dagitoy kadagiti sumarsaruno a tawen.
Daytoy ti nagbalin a rakurak ti local chief executive kalpasan ti selebrasyon ti City government ken ti Peoples Republic of China.
Inpaay ti city government iti Chinese government ti pammigbig babaen kenni Consul and Head of Post Mr. Ren Faqiang ken Mrs. Ma Ning iti Consulate of the People’s Republic of China.
