LAOAG CITY – Kinumpirmaran ni Mayor Michael Marcos-Keon a saan a makipartisipar ti ciudad ti Laoag iti mapaspasangasangan a Taon-ok festival of festivals.
Inlawlawag ti mayor nga iti napalabas a tawen ket nagbalin a bias dagiti hurado iti nasao a kompetisyon ken patienna a mapasamak manen daytoy ita a tawen.
Kuna pay ti mayor nga adon ti pannaka-sabotahe na ken uray iti mismo a ciudad ti Laoag isut gapuna a saandan nga interesado pay a makisalip iti nasao a kompetisyon ken saandan a kayat ti agsayang ti panawen.
Kabayatanna, inpetteng ti mayor a napintas ti nagbalin a performance iti ciudad ti Laoag iti napalabas a Tan-ok ngem nagbalin lang dagitoy a 7th placer.
Maipalagip a ti Tan-ok Festival ket tinawen a maselselebraran iti Ilocos Norte no sadinno a maitampok ditoy ti bukod a panagfiesta dagiti 21 nga ili ken 2 a siudad ditoy probinsya.
