LAOAG CITY – Saan a ninamnama ni Sangguniang Panlungsod Member Derick Lao ditoy ciudad ti Laoag ti panagviral ti video na iti social media gapu iti Tala Dance Challenge a kanta ni Sarah Geronimo.
Segun kenni Lao, nagpraktis laeng daytoy iti maysa nga aldaw kalpasan na ket ginutigot daytoy iti inauna nga anak na a ni Kate nga agsala iti sango ti City Hall wenno iti Aurora Park.
Makita iti video a nakaarwat iti barong ni Lao nga us-usaren na iti pagatendar ti session iti dayta nga aldaw.
Kunana a nagarwat ti barong tapno sabsabali ti tema na kadagiti nagsalan iti Tala Dance Challenge.
Inupload ti anak ni Lao a ni SK Federated President Faye Lao ti video Kalpasan ti session ti amana idi Miyerkules no sadinno nga iti agdama ket umaboten iti agarup 50 ribo ti views, 5.2K likes ken 2K dagiti nagshare.
Inbatad ti Konsehal a nalaing daytoy nga agsala idi kaububingan na ken napadasan na iti nagsala iti Eat Bulaga.
Nagyaman ti opisyal gapu ta saan na a ninamnama a makapagna manen kalpasan a dimmalan iti 4 a major operations kalpasan a nadsigrasya bayat ti kampanya ti eleksyon itay kallabes.
