LAOAG CITY – Manamnamana ti pannakaiyestablisar ti Laoag City Sports Complex iti Brgy. Metro Lapaz ditoy siudad ti Laoag.
Daytoy ket babaen ti resolusion nga inisponsoran ni Sangguniang Panlungsod Member John Michael Farinas.
Babaen iti daytoy ket maikkan ti bileg ni Mayor Michael Marcos Keon a makipinnirma iti Tripartite Agreement iti Department of Education ken Ilocos Norte Regional Schools of Fisheries.
Maibasar iti panagbitla ni Sangguniang Panlungsod Member Farinas, daytoy a banag ket napanunutan idin ti amana ken dati a Mayor a ni Michael Farinas.
Inbatadna a dakkel a tulong daytoy apaman a marugian a maipasdek para kadagiti agad-adal a dumalan iti panagsanay ken makibinnalubal babaen iti local, national ken international games.
Kabayatanna, naammoan a ti lote a pakaipatakderan ti Laoag City Sports Complex ket aglawa ti 132,432 square meters no sadino kukua daytoy ti nasao a pagadalan.
