LAOAG CITY – Iyur-uray ti City Tourism Office nga idadauloan ni Mrs. Ana Carmela Remigio, ti guidelines para iti panaglukat ti turismo ditoy probinsia.
Adda ti representative ti probinsia a napan iti ciudad ti Baguio kalpasan a naglukat ti turismo iti nasao a siudad idi kalman ket adda ti seremonya a nakaibinsa binsaan dagiti posible a masurot a pagalagadan.
Nupay kasta, kuna na nga adda ti tentative date ti panaglukat ti turismo ditoy probinsia pakairamanan ditoy siudad ti Laoag.
Possible a malukatan ti turismo iti maudi a lawas ita a bulan ti Setyembre, wenno umuna a lawas iti bulan ti Oktubre.
Maisagsaganan dagiti posible a masapol kas ti pannakaipaay kadagiti impormasyon, hotels, guidelines, ken pannakikoordinar da iti travel agency.
Innayon na a saan a mabalin ti agtour nu saan a dumalan iti travel agency para ti contact tracing tapnu macontrol dagiti tao a sumrek ditoy probinsia kangrunaan ditoy siudad.
