LAOAG CITY – Natay ni Vice Mayor Michael Fariñas iti Laoag City idinto a nasugatan ti bodyguard na a pulis kalpasan a naaksidente da iti by-pass road ti paset iti Barangay Vira ti nasao a ciudad.
Iti imbestigasyon, bayat ti panagpapa-amianan a direksyon ti bise mayor kadwa na ni SPO3 Melchor Geronimo ket maipagarop a nag-overshoot ti lugan na a maysa a mercedes benz.
Gapu ti napasamak ket nagpulpuligos ti lugan ken maipagarop a saan a naka-seatbelt ti bise mayor no sadinno a daytoy ti nagmaneho.
Nagsagaba ti bise mayor ti nakana a sugat iti nagduduma a paset ti bagi na kangrunaan na iti ulo na a nagresulta ti pannakatay na no sadinno a rimuar pay ti utek na idinto a ni Geronimo ket nasugatan ken addang ti natalged a kasasaad.
Ni Vice mayor Fariñas ket kaanakan ni Ilocos Norte 1st District Rep. Rudy Fariñas.
