LAOAG CITY – Inpasingked ni Mr. Nelson Alcid, presidente ti Laoag Generatons Corporation iti panangipaay na ti 13 month pay ken dagiti benepisyo dagiti empleyado da.
Daytoy ket kalpasan nga inrakurak ni Labor Sec. Silvestre Bello III iti publiko a nasken nga ipaay dagiti employers ti 13 month pay kadagiti empleyado sakbay wenno iti kaaldawan ti Disyembre 24 kas pinal a desisyon iti naiyuswat a taripnong.
Kuna ni Alcid nga umabot iti 145 dagiti empleyado da ditoy probinsya idinto nga agdagup iti 220 dagiti empleyado ti korporasyon.
Segun kenni Alcid, awan ti plano nga itantan ti pannakaipaay ti 13 month pay uray adda ti pandemiya.
Innayon na nga awan ti pagbaliwan ti maawat dagiti empleyado a benepisyo ita a tawen.
Immunan nga inbatad ni Bello nga uray dagiti marigrigatan a kompanya gapu iti pandemic ket rumbeng nga ipaay da ti 13 month pay dagiti empleyado da.
