LAOAG CITY – Maipan iti level 9 ti Laoag International Airport (LIA) ditoy siudad ti Laoag ita a bulan wenno agingga iti bulan ti Abril.
Kuna ni governor Matthew Marcos Manotoc a daytoy ti inpanamnama ni Transport Sectretary Arthur Tugade.
Gapu iti daytoy, mangnamnama ni Manotoc nga ad-adda a mapasayaat ti serbisyo iti nasao nga eropuerto.
Patienna a makatulong iti kalikagum a mapadur-as ti industriya ti turismo kageddan ti in-inot a pannakalukay ti covid-19 restrictions.
Immunan a naigetan ti biyahe iti eropuerto gapu iti naiget a covid-19 restrictions.
Kabayatanna, apaman a maipan iti level 9 ket rugyan ti eopuerto ti agawat ti international flights malaksid iti local flights.
