LAOAG CITY – Nakitaripnong ti gobierno probinsial babaen iti gobernador ken ti kongresista iti umuna a distrito iti probinsya ken ni Department of Transportation Secretary Vince Dizon tapno pagsasaritaan da ti pannakapapintas ti Laoag International Airport.
Segun iti Gobierno probinsial, kinitada dagiti nagduduma nga aspeto ti proyekto, pakairamanan ti pannakapapintas dagiti infrastructure, facilities ken amin a pannakapatalged ti trabaho ken pannakaiyalistona.
Inlawlawag ti gobierno probinsyal a no mapapintas ti nasao nga erupuerto ket ad-ado pay ti maakomodar na aglalo ket umad-ado dagiti turista nga agturturong ditoy probinsya.
Mangnamnama ti gobierno probinsyal a babaen iti daytoy ket ad-adda pay a dumur-as ti ekonomiya ditoy probinsia.
