LAOAG CITY – Pormal nga inyendorsar ni Mayor Michael Marcos Keon ni Sang. Panlungsod Member Handy Lao para Philippine Councilors League (PCL) President ditoy Ilocos Norte.
Segun kenni Keon, naiget a suportaran na ti kandidato na iti nasao a posisyon ken kayat na a maamoan daytoy ti publiko.
Inpetteng na a kas mayor ditoy ciudad ti Laoag ket daytoyen ti pinal a desisyon na mainaig iti nasao a banag.
Mainaig iti daytoy, kuna ni Lao a nakigtot ngem maragsakan iti panangiyendorsar ni Keon kenkuana.
Mangnamnama met ni Lao nga isu ti agbalin a presidente dagiti konsehal ditoy probinsya ken inkari na nga aramiden na amin ti kabaelan na para iti nasao a posisyon.
