LAOAG CITY – Inlawlawag ni Atty. Kiddz Castro, Criminal Law Professor ti Northwestern University ditoy siudad ti Laoag maipanggep iti karebbengan ti maysa nga empleado iti pannakaawatda ti Christmas bonus ken 13th month pay.
Segun kenkuana, nailanad iti Presidential Decree 851 ti panangipaay ti 13th month pay kadagiti empleado nga agpapaay iti pribado man wenno pampubliko a kompania.
Inbatadna nga awan iti naisurat iti linteg maipanggep iti Christmas bonus ngem nakadepende kadagiti employers no kayatda nga ikkan dagiti empleado dagitoy idinto a ti 13th month pay ket obligado a tungpalen dagiti employers.
Kunana a ti maipaay a 13th month pay ket nakadepende iti position wenno designation ti maysa nga empleado.
Innayonna a masapol a sumurot dagiti amin nga employers kadagiti maipatpatungpal a linteg tapno saanda a mapilaan ti aniaman a reklamo wenno kaso.
