LAOAG CITY – Inlawlawag ni Dr. Elizer Asuncion, chief of hospital ti Laoag City General Hospital (LCGH) a manarimaan ti imbestigasyon da iti utang ti nasao nga ospital.
Daytoy ket kalpasan nga inparuk-at ni Mr. Ferdinand Quiroga iti City Accounting Office ti datos seknan iti nasao nga utang.
Ummuna iti daytoy, inadmitr ni Asuncion nga adda ti utang ti LCGH kadagiti empleado ti nasao nga ospital nga umabot ti 7,168,309.87 a pisos.
Naamoan nga iti nasao a kantidad ket karaman ditoy ti “hazard pay” nga agarop 500 a ribo a pisos, ken ti “substinents and laundry allowance” a nasurok 100 a ribo a pisos.
Maipalagip a dagiti nagbalin a rason ni Quiroga no apay a marigatan ti LCGH nga agukkon ti pagpasweldo da kadagiti empelado ket ti promissory notes a saan a masingsingir, koleksyon manipud iti philhealth ken utang kadagiti suppliers ken concessionaires.
