LAOAG CITY – Inpakaammo ni Dr. Marsha Lou Wapan, ti mangidadaulo ti Laoag City General Hospital nga adda ti maiyuswat a libre a “Breast cancer screening” para kadagiti babbai nga agtawen ti 30 agingga 65 ditoy ciudad ti Laoag.
Segun kenkuana, agturong laeng a mismo iti Laoag City General Hospital para iti screening a maiyuswat ita nga aldaw, Marso 12 mangrugi iti oras iti alas otso ti bigat agingg iti alas 3 iti malem.
Mainaig iti daytoy, kunana a ti nasao a programa ket babaen iti panagbibinnulig ti Department of Health ken lokal a gobierno ditoy ciudad ti Laoag.
Ti “Breast cancer screening” ket paset paylaeng ti selebrasyon ti Women’s month a tinawen maisaysayangkat para kadagiti babbai.
