LAOAG CITY – Inpakaammo ni Mayor James Bryan Alcid a marugyanen ti pannakapapinta ti Laoag City General Hospital.
Segun ken Mayor Alcid, kinasaritana ti Pacific Paint (Boysen) Philippines, Inc ken nagset-up da iti scaffoldings para iti pannakapinta agpinta ti nadakamat nga ospital.
Kuna na a masapol a mapintaanen ti nasao nga ospital gapu ta amangan no ipagarop ti kaaduan a saan nga us-usto ti ibagbagana iti publiko .
Mainaig iti daytoy, kunana a sakbay a mapintaan ti Public Market and Commercial Complex ket umuna paylaeng a ma-retrofit dagiti beams ken columns na.
Inpasigurado na ti alisto a pannaka-retrofit iti tiendaan a saan a maapektaran dagiti aglaklako iti pasdek.
Maipalagip nga ibaklay amin ti Pacific Paint (Boysen) Philippines, Inc ti pannakapapinta iti Laoag City General Hospital ken ti Public Market and Commercial Complex ditoy ciudad ti Laoag.
