LAOAG CITY – Kinumpirmaran ti Israel a napatay dagiti tropa da ti leader ti Hamas a ni Yahya Sinwar iti southern Gaza.
Naamoan a ni Sinwar ti nangidaulo iti armed group iti Gaza sipud pay idi 2017 ken indiskribir isuna ti Israel, Estados Unidos ken United Kingdom kas mastermind iti napasamak a panagatake idi Oktubre 7, 2023 no sadinno nga umabot iti agarop 1,200 ti napatay dagiti Hamas ken 251 nga indibidual ti hinostage da.
Segun iti Israeli military, karaman ni Sinwar kadagiti tallo a militante a napatay da kabayatan ti panangraot da iti pasdek iti Rafah a maipagarop nga us-usaren dagiti mabigbig a senior Hamas.
Ni Sinwar wenno mabigbig iti nagan na nga Abu Ibrahim ket naipasngay iti Khan Younis iti southern Gaza idi 1962.
Immuna a natiliw babaen kadagiti Israeli Forces iti tawen na a 19 gapu iti “Islamic activities”.
Iti tawen ni Sinwar a 25 idi 1980s, bwinangay na ti Hamas security service al-Majd a mangdusa kadagiti maakusaran ti morality offences ken dagiti maatap a makikapkappeng iti Israel.
