LAOAG CITY – Mangipila ti reklamo iti United Nations Security Council ti Lebanon gapu iti panangatake ti Israel.
Inbatad ni Prime Minister Nawaf Salam a kiniddawna iti Minister of Foreign Affairs and Emigrants nga insigida a mangipila ti reklamo.
Kunana a nalawag a maysa a panangsakup iti soberaniada ti ar-aramiden a panangatake ti Israel kadakuada.
Maipalagip a sumagmamano nga indibidual ti pimmusay iti iwaywayat a panagbomba ti Israel.
