LAOAG CITY – Agtultuloy a bumabbaba ti lebel ti danom iti Angat dam iti minimum operating level na iti napalabas a lawas.
Basar iti weather bureau, ti lebel ti danom iti Angat dam ket bimmagsak iti 178.80 a metro.
Kasapulan ti Angat Dam ti 1100 a millimetro ti panagtudo na tapno maabot ti normal nga high water level a 210 a metro.
Ti minimum operating level ti dam ket 180 a metro.
Immunan nga inrakurak ti National Water Resources Board a no bumaba ti lebel ti danom iti Angat Dam iti 180 metro, ti kangrunaan a water releases ket ti municipal use, irrigation use, ken river maintenance.
Ti Angat Dam ket mangipapaay ti agarop 90% ti inumen a danom iti Metro Manila, Rizal, ket paset ti Cavite ken Bulacan.
Kabayatanna, ti lebel ti danom iti San Roque, Magat, ken Ambuklao Dams ket bimmaba metten idinto a ti lebel ti danom iti La Mesa, Ipo, Pantabangan, Caliraya, ken Binga dams ket ngimmato.
