LAOAG CITY – Nakairekord ti sabali manen a pakasaritaan ti NBA ni Los Angeles star LeBron James.
Nagun-od na ti kaunaan nga umaayam iti pakasaritaan ti NBA a nakaabot ti 300 postseason games.
Nairekord na daytoy iti panangrugi ti Western Conference Semifinals da kontra iti Oklahoma City Thundeer no sadinno a naala ti agtawen ti 41 a ni James ti nasao a rekord.
Daytoy ket kalpasan nga adda ti siyam nga umaayam iti NBA a nakairekord ti nasurok a 200 nga ay-ayam, pakairamanan ditoy da Derek Fisher, Tim Duncan, Robert Horry, Kareem Abdul-Jabbar, Tony Parker, Kobe Bryant, Manu Ginobili, Shquielle O’Neal ken Scottie Pippen.
Ni James ket addaan ti average a 23.3 points, 8.0 assists ken 6.7 rebounds no sadinno nga isuna ti nangidaulo iti umuna a round series ti panangabak da ti Houston Rockets tapno makasango da manen ti defending champion a Thunder.
