LAOAG CITY – Mangrugin iti sumaruno a lawas dagiti napili nga abogado ni dati a Presidente Rodrigo Duterte a mangtratar iti kaso na.
Inbatad ni International Criminal Court (ICC) listed counsel Nicholas Kaufman nga adda pay ti lima nga abogado a kasarsarita nan.
Karaman ditoy ti maysa a Pilipino ngem saannan nga innaganan daytoy.
Innayon na a nakasarita na metten ni Vice President Sara Duterte mainaig iti legal team ti dati a presidente a sumangsango iti crimes against humanity.
Kunana a sumagmamano kadagiti plano da iti agdama ket ti panagpila da ti petition para iti interim release ti dati a presidente.
