LAOAG CITY – Impakaammo ni Senator Panfilo Lacson nga agpanpannawagan ni Senator Loren Legarda ti suporta manipud kadagiti padana a senator iti baet ti alegasion ti plunder ken saan a kompleto a solar power energy projects nga agbalor P10.44 billion ken ti isyu ti salun-atna a sangsangoenna ita.
Inlawlawag ni Lacson a ti panawagan ket gapu iti agdama nga isyu a sangsangoenna ita.
Mainaig iti daytoy, nangipilan ti counter-affidavit ni Legarda ken ti anakna a ni Batangas Representative Leandro Leviste iti Office of the Ombudsman.
Nangipila pay ti Department of Energy (DOE) ti reklamo kontra ken ni Leviste ken lima pay nga opisial iti Solar pAra sa Bayan Corporation (SPBC) ken ti maipagarup a panaglabsing iti Public Service Act iti Justice Department.
Segun met ken ni Ombudsman Jesus Crispin “Boying” Remulla a ti agina ket adda pay laeng idiay Paris ken nagturong da pay iti Switzerland.
Ni Legarda ket adda iti naiyalud-od a medical leave manipud Senado gapu iti lung-related illness.
