LAOAG CITY – Inlawlawag ni Doctor Alan Taylan a ti sakit a legionnaires disease ket gapu iti legionella a maysa a bacteria a mangitunda iti sakit a pneumonia.
Segun ken ni Doctor Taylan, dagiti sintomas iti nasao a sakit ket panaggurigor, trangkaso, aguyek, marigatan nga umanges, agsangit ti barukong, agam-amangaw ken dadduma pay.
Kuna na a narisgo ti sakit no ti makaptan iti daytoy ket nataengan a nakapsot ti resistensya na ken dagiti agsigsigarilyo nga addaan ti pneumonia.
Inpalgak pay ti doktor a no maaddaan ti pneumonia ti maapektaran ti sakit a legionnaires disease ket dakkel ti posibilidad na a nga agpasar ti Respiratory failure, sepsis, bumayag ti panagtaray ti dara a mangitunda ti heart failure. Inpakaammo na a dagiti maaddaan ti sakit a legionnaires disease ket masapol nga agtumar ti antibiotic ken kasapulan ti naan-anay a pannakataripato kadagiti maseknan.
