LAOAG CITY – Inpetteng ni Atty. Manuel Aurelio, dean ti College of Law iti Northwestern Universtiy siudad ti Laoag a ti nakagapu ti US Government shutdown ket gapu ti gulo iti nagbaetan ti Democratic ken Republican Party.
Iti reaksiyon ni Aurelio, minanipular ni dati a first lady Hillary Clinton ti Democratic party tapno aggugulo da iti nagbaetan ti Republican party.
Nupay kasta, mamati ti abogado a makasapul da iti remedyo dagiti dua nga partido tapno maurnos ti problema ti Amerika.
Mainaig iti daytoy, inyarig ni Aurelio ti Amerika iti Pilipinas gapu ta adda met ti dua a partido nga agpulpulitika a ti maysa kadagitoy ket kayat na latta iti adda ti ngato.
Innayon ni Atty. Aurelio nga agbalin a leksyon daytoy iti Pilipinas iti napasamak nga government shutdown idiay Amerika a kasapulan a lipaten pay laeng ti nakaru a pulitika para kadagiti umili.
