LAOAG CITY – Kinumpirmaran ni Mr. Joey Francisco, Local Government Operations Officer ditoy siudad ti Laoag nga inawaten iti biang ti opisina ni Mayor Micheal Marcos Keon ti resignation ni Ms. Marilyn Dancel iti Brgy. 20 ditoy siudad.
Segun kenkuana, nupay awan pay ti inpakaammo iti biang ti opisina ti mayor no naaprobaranen ti panagresign ti nadakamat a Brgy. Chairman ngem maibilang daytoyen a banag kas good as approve.
Gapu iti daytoy, ket saan pay a masinuno no inton ano a mabalin nga agsapata ni First Kagawad Charles Gagarin iti nasao a barangay.
Innayonna a ti nakaipan a rason ni Dancel iti panagikkat na iti puesto ket gapu iti personal a banag.
Maipalagip a nagpakada ti nasao a kapitan iti biang ti opisina ti mayor a mapan daytoy iti ballasiw-taaw manipud bulan ti Hulio agingga ita a bulan ti Nobiembre.
