LAOAG CITY – Nakagun-od ti lokal a gobierno iti ili ti Badoc ti ummuna a puesto iti Regional Award a ti SubayBAYANI iti Rehiyon uno.
Patien ti lokal a gobierno iti nadakamat nga ili a ti rason no apay a nagun-od da daytoy nga award ket gapu iti napintas a pannakaimplementar ti nagduduma a proyekto ken programa babaen ti panagtitinulong dagiti empleado ken dagiti umili.
Mainaig iti daytoy, nakagun-od met ti pammadayaw dagiti nagduduma nga ili ditoy probinsia a kas iti ili ti Currimao, Dingras, San Nicolas, Marcos, Piddig, Sarrat, Burgos, Carasi, Pasuquin ken ditoy siudad ti Laoag.
Kabayatanna, ti SubayBAYANI award ket maysa a recognition program a kalikagumna ti pannakai-promote ti transparency, accountability ken participative governance iti pannakamanehar ken pannakaimplementar kadagiti nagduduma a proyekto ti gobyerno.
