LAOAG CITY – Nagun-od ti Lokal a gobierno iti ili ti Badoc babaen ti liderato ni Mayor Virgilio Calajate ti Unmodified opinion ti tawen 2025 manipod iti Commision on Audit.
Daytoy ti umuna a gundaway a nagun-od ti lokal a gobiermo iti ili ti Badoc ti nasao a pammadayaw.
Naamoan nga idi rinugyan ni Mayor Calajate ti termino na ket inprayoridad na a dagus ti pannaka-urnos ti financial account ti munisipyo ken pannakasigurado a masurot dagiti amin a pagannurotan iti pannakausar dagiti pondo.
Sinuportaran met daytoy ti Sanguniang Bayan nga idadaulwan ni Vice Mayor Glen Cajigal, pakairamanan dagiti Department heads, empleyado ken stakeholder.
Ibilang da ti nagun-od a pammadayaw ti nasao nga ili kas resulta ti dedikasyon da iti serbisyo publiko, panangpatalinaed ti integridad ken panagkaykaysa.
