LAOAG CITY – Nangiyalukar ti lokal a gobierno iti siudad ti Batac ti pondo para ti medical assistance dagiti umili.
Segun kenni Vice Mayor Windel Chua, amin a residente ket mabalin a manggundaway ti nasao a tulong nangruna kadagiti awan ti pagpalaboratoryna, awanan pagpacheck-up ken dagiti dakkel ti bayadanna iti Mariano Marcos Memorial Hospital and Medical Center.
Kuna na a nakikoordinarda ti nasao nga ospital ken adda ti naituding a focal person a mabalin nga asetgan dagiti agkasapulan tapnu naan-anay a matratar ti problemada ti hospital bill.
Innayonna nga uray adda kabaelaanna nga agbayad ti pasyente ket mabalinna a gundaway basta laketdi maiconfine iti free ward.
