LAOAG CITY – Saan a pagbayaden ti lokal a gobierno ti ciudad ti Batac ti renta dagiti aglaklako a naapektaran ti pannakauram ti tiendaan agingga intono disyembre ita a tawen.
Segun kenni Mayor Mark Christian Chua iti ciudad ti Batac, naipan dagiti aglaklako iti maikadwa a kadsaaran iti merkado publiko ken kadagiti bakante a pwesto iti umuna a kadsaaran.
Inmayonna a mannarimaanen ti pannakagabur ti pakaestablisaran ti nayon a parte ti merkado publiko.
Kunana a dakkel a tulong ti 150 million a pisos nga inpaay ti national government babaen ti inisyatibo ni Pres. Ferdinand Marcos jr. ken Sen. Imee Marcos isut gapuna a dakkel ti panagyaman ti nasao a local chief executive.
