LAOAG CITY – Mamati ti lokal a gobierno iti ili ti Burgos a saanda pay a kabaelan nga agbalin a 2nd wenno 1st class municipality.
Segun ken ni Mayor Cresente Garcia iti nasao nga ili, no nangatngato ti klasipikasionda ket dakdakkel ti responsibilidad ti ili ken saan nga umdas ti revenue-da.
Inbatadna a no bilang maikabilda iti 2nd class municipality ket adda dagiti proyekto a saan a maited iti saan nga husto a serbisio gapu ta makissayan ti pundo.
Kunana a daytoy ket gapu ta adda dagiti masapol a mandatory position a mabuangay.
Inlawlawagna a posible a mapukawan dagiti umili ken saanda a kabaelan a makabirok iti sabali pay a pamastrekan.
Kabayatanna, naammoan a manipud iti 5th class municipality ket nagbalin a 3rd class municipality iti ili ti Burgos.
