LAOAG CITY – Ikarkarigatan ti lokal a gobyerno iti ili ti Carasi nga ikkan ti tulong dagiti residente a naapektaran ti enhanced community quarantine iti intero a Luzon.
Kuna ni Mayor Rene Gaspar a nagsardeng ti pagsapulan dagiti kaaduan a residente iti nasao nga ili rason nga awan met ti mapastrek da para ti inaldaw.
Segun kenni Gaspar, nagibunong ti tulong kadagiti kalugaran da babaen ti pamilya na malaksid ti tulong manipud iti lokal a gobyerno.
Kiniddaw na ti panagtulnog dagiti umili iti ili ti Carasi kadagiti pagalagadan ti enhanced community quarantine.
