LAOAG CITY – Kalikagum ti LGU Currimao a maimplementaren ti desisyon mainaig iti boundary dispute ti nagbaetan ti Currimao ken Badoc.
Segun kenni Sangguniang Panlalawigan Member Atty. Da Vinci Crisostomo, Chairman ti Committee on Laws, nagsurat ni Mayor Edward Quilala ken adda pay ti resolusyon ti Currimao para ti pannakaimplementar ti desisyon ti boundary dispute dagiti dua nga ili.
Kunana a kiniddaw ni Mayor Quilala ti pannakaimplementar daytoy agsipod ta adu dagii negosyo nga apektado ta no maimplementar daytoyen ket lumawa iti land area ti Currimao ken dummakel ti Internal Revenue Allotmentda.
Inbatadna a ti laengen maiyururay ket ti pannageddeng ti DENR para ti nasao a banag.
